Pryjarytet sił ZŠA ŭ Jeŭropie — «strymlivańnie rasiejskaj ahresii»
Jeŭrapiejskaje kamandavańnie ŭzbrojenych sił ZŠA (EUCOM) apublikavała pierapracavanuju stratehiju, u jakoj pieršym z šaści pryjarytetaŭ źjaŭlajecca «strymlivańnie ahresii Rasii».
Taksama na bližejšyja try-piać hod EUCOM budzie kancentravacca na palapšeńni ŭzajemadziejańnia z partniorami pa NATA, zachavańni stratehičnych partniorstvaŭ ZŠA, baraćbie z transnacyjanalnymi pahrozami, padtrymańni bajazdolnaści, adsočvańni situacyi ź mihrantami.
Pra heta paviedamiŭ kamandujučy EUCOM hienierał Filip Brydłaŭ.
NATA z 2014 hoda, kali RF akupavała Krym, spyniła supracoŭnictva z Rasijaj. Jeŭrapiejskija siabry arhanizacyi značna aktyvizavali dziejnaść pa abaronie kantynienta ad rasiejskaj pahrozy i vyvučajuć uroki vajny na Danbasie.