VIDEA rytualnaha tanca maary na viasielli sabrała 29 młn prahladaŭ za tydzień
Chitom internetu na minułym tydni stała videa bajavoha tanca novaziełandskich maary, jaki viadomy pad nazvaj chaka. Rolik byŭ źniaty na viasielnaj cyrymonii Bendžamina i Aaliji Armstronh ŭ Novaj Ziełandyi.
Rytualny taniec maary, padčas jakoha vykanaŭcy tupajuć nahami, kryviać hrymasy, bjuć siabie pa kłubach i ŭ hrudzi i vykrykvajuć, byŭ pryśviečany maładym i arhanizavany adnym z pryjacielaŭ žanicha.
Rolik tanca byŭ apublikavany ŭ Facebook i za niapoŭny tydzień sabraŭ 29 miljonaŭ prahladaŭ.
U našyja dni chaka vykonvajecca čaściej za ŭsio na spabornictvach pa rehbi ŭ Novaj Ziełandyi, ale taksama na viasiellach i pachavańniach.
Na viasielli Biendžamina i Aaliji Armstronh chaka vykonvałasia jak znak pavahi da niaviesty i žanicha.
U intervju Bi-bi-si niaviesta patłumačyła, što bajavy taniec vykanali členy siamji žanicha, što nie adrazu možna zrazumieć praź śvietłuju skuru Bendžamina. «Ben jašče bolšy maary za mianie», — skazała niaviesta. I dadała, što mnohija, chto pahladzieŭ videa na Facebook i nie znajomy z tradycyjaj, padumaŭ, što heta mužčyny ź jaje siamji sprabujuć ŭ tancy napałochać žanicha: pakazvajuć, jak jany pakarajuć jaho ŭ vypadku, kali toj pakryŭdzić svaju žonku.
Niezvyčajnyja emocyi možna nazirać na tvarach žanicha i niaviesty, jakija ŭrešcie taksama dałučajucca da tanca.
«Ja adčuvaŭ nieabchodnaść pakazać u adkaz tuju ž luboŭ i pavahu, jakuju jany pakazali mnie», — skazaŭ žanich.
Žančyny ŭ kultury maary, jak praviła, nie dałučajucca da tanca chaka, ale — jak kaža Armstronh — heta dazvolena, u pryvatnaści, na viasiellach.