Indyjski miljanier atrymaŭ pažyćciovaje za zabojstva marudlivaha achoŭnika
Sud u Indyi prysudziŭ da pažyćciovaha źniavoleńnia miljaniera Machamieda Nišama, pryznanaha vinavatym u zabojstvie svajho achoŭnika.
Jak paviedamiła śledstva, 38-hadovy Nišam, razzłavaŭšysia na svajho 50-hadovaha achoŭnika, jaki zamarudziŭsia, adkryvajučy varoty pierad jaho mašynaj, najechaŭ na jaho, a zatym źbiŭ žaleznym prutom.
Praz dva tydni achoŭnik pamior u balnicy ad atrymanych traŭmaŭ.
U zaklučeńni suda padkreślivajecca, što bahatyja žychary Indyi stali zanadta ehacentryčnymi i pakutujuć na maniju vieličy.