Śpis darmajedaŭ sfarmujuć da 1 žniŭnia
Ministerstva pa padatkach i zborach Biełarusi da 1 žniŭnia 2016 hoda sfarmiruje śpis płacielščykaŭ zboru, jakija nie ŭdzielničajuć u finansavańni dziaržraschodaŭ.
Ab hetym paviedamiŭ ministr pa padatkach i zborach Biełarusi Siarhiej Nalivajka.
«U ministerstvie budzie apracavana infarmacyja, jakaja pastupaje ad usich dziaržaŭnych orhanaŭ i inšych arhanizacyj, i da 1 žniŭnia sfarmiravany śpis płacielščykaŭ zboru. Tady my i zmožam skazać ab kolkaści hramadzian, jakim budzie nakiravana apaviaščeńnie na vypłatu zboru», - skazaŭ kiraŭnik viedamstva.
Pavodle danych MPZ, na 1 studzienia hetaha hoda dobraachvotna paviedamili ab niaŭdziele ŭ finansavańni dziaržraschodaŭ 420 čałaviek. Im pradjaŭlena da vypłaty Br1,3 młrd.
«Taja katehoryja, jakaja padlahaje abkładańniu zboram, zafiksavana ŭ dekrecie. Časavym adrezkam, pa jakim ludzi mohuć stać jaho płacielščykami, budzie źjaŭlacca 2015 hod. Asnoŭny kryteryj - 183 dni. Kali hramadzianie nie ažyćciaŭlajuć pracoŭnuju dziejnaść, jość katehoryi, jakija nie buduć vypłačvać zbor», - adznačyŭ Siarhiej Nalivajka.