U vyniku teraktaŭ «Boka Charam» u Nihieryi zahinuli 80 čałaviek
Terarystyčnaja hrupoŭka «Boka Charam» ździejśniła 28 śniežnia sieryju teraktaŭ u Nihieryi, u vyniku jakich zahinuli prynamsi 80 čałaviek.
Kala 50 čałaviek zahinuli i bolš za 90 paciarpieli ŭ horadzie Majduhury, dzie ŭ noč na paniadziełak adbyłasia sieryja vybuchaŭ i napadaŭ z vykarystańniem ahniastrelnaj zbroi, paviedamili ŭ Nacyjanalnym ahienctvie pa nadzvyčajnych situacyjach.
U horadzie Madahali ŭ 150 kiłamietrach ad Majduhury dźvie žančyny-kamikadze zładzili vybuchi na rynku pobač z aŭtobusnaj stancyjaj. U vyniku zahinuli 30 čałaviek.