U Staŭbcoŭskim rajonie mikraaŭtobus urezaŭsia ŭ spadarožny ZIŁ: atrymali traŭmy try čałavieki
Avaryja adbyłasia 23 śniežnia, kala 17.50, na 270 kiłamietry trasy M1 kala vioski Załužža.
37-hadovy kiroŭca «Falksvahiena Transporter» jechaŭ u napramku Bresta. Pavodle papiaredniaj infarmacyi, mužčyna niapravilna vybraŭ biaśpiečnuju chutkaść ruchu i ŭrezaŭsia ŭ spadarožny ZIŁ z pryčepam.
U vyniku DTZ u mikraaŭtobusie byŭ zabłakavany 30-hadovy pasažyr. Z sałona jaho dastavali ratavalniki. Mužčyna ŭ ciažkim stanie dastaŭleny ŭ reanimacyju. Jašče dva pasažyry «Falksvahiena» atrymali traŭmy roznaj stupieni ciažkaści i byli špitalizavany. Kiroŭcy aŭtamabilaŭ nie paciarpieli.