U Minsku źjavilisia pieršyja modulnyja prybiralni dla ludziej z abmiežavanymi mahčymaściami FOTY
Unitarnaje pradpryjemstva «MAF» zakupiła 10 modulaŭ ajčynnaj vytvorčaści «MAZ-Kupava».
Fota z sajta maz-kupava.com
Fota z sajta maz-kupava.com
Novyja hihijeničnyja abjekty składajucca z troch siekcyj: standartnaj kabiny, pavialičanaj, a taksama pamiaškańnia dla piersanała i kasira. Pavialičanaja kabina modulnaj prybiralni dobraŭparadkavana dla invalidaŭ-vazočnikaŭ: tam ustalavana zanižanaje santechničnaje abstalavańnie, majecca dosyć volnaj prastory dla razvarotu vazka. Akramia taho, novyja moduli abstalavanyja pandusami. Śpiecyjalna dla słabaviduščych ludziej kabinki vyłučany jarkim koleram.
Pieršyja z 10 abjektaŭ pastavili na skryžavańni Bahdanoviča i praśpiekta Mašerava. Astatnija 9 modulaŭ płanujuć raźmiaścić da kanca śniežnia ŭ roznych častkach horada. U pryvatnaści, jany źjaviacca na praśpiekcie Pieramožcaŭ kala Pałaca sportu, na Kastryčnickaj płoščy.