Bajeviki ID adnačasova atakavali try harady na poŭnačy Iraka
Bajeviki ekstremisckaj arhanizacyi «Isłamskaja dziaržava» praviali pieršuju za piać miesiacaŭ surjoznuju vajennuju apieracyju ŭ Iraku.
Jak paviedamiŭ kamandujučy amierykanskaj suchaputnaj hrupoŭkaj u Iraku bryhadny hienierał Mark Odam, u sieradu sotni bajevikoŭ ID atakavali try harady na poŭnač i ŭschod ad Masuła.
Ataka była adbitaja kurdskim apałčeńniem «piešmierha» pry padtrymcy avijacyi ZŠA.
Pradstaŭniki kurdaŭ paviedamlajuć, što pry adbićci nastupu isłamistaŭ zahinuli dziasiatki apałčencaŭ.
U apošni čas «Isłamskaja dziaržava» ciarpieła ŭ Iraku niaŭdačy - u minułym miesiacy džychadzistaŭ stracili kantrol nad horadam Sindžar, a ŭ minuły čaćvier irakskija vojski zajavili ab paśpiachovaj apieracyi pa vyzvaleńni horada Ramadzi na zachadzie krainy.