«Petsan i Findus śviatkujuć Kalady»: Charłančuk i Chitryk na prezientacyja knihi šviedskaha piśmieńnika Svena Nurdkvista — 17 śniežnia
17 śniežnia ŭ 18:00 zaprašajem u Halereju sučasnaha mastactva «Ŭ» (pr. Niezaležnaści, 37a) dzietak i darosłych na prezientacyju knihi šviedskaha piśmieńnika i mastaka Svena Nurdkvista «Petsan i Findus śviatkujuć Kalady» z udziełam akcioraŭ Paŭła Charłančuka i Hanny Chitryk.
U prahramie: kaladnaja čytanka-zabaŭlanka.
Kniha «Petsan i Findus śviatkujuć Kalady» pabačyła śviet u sieryi «Kalarovy rovar» Biblijateki Sajuza biełaruskich piśmieńnikaŭ u pierakładzie na biełaruskuju movu Nadziei Kandrusievič. Padrabiaźniej tut.
Sven Nurdkvist naradziŭsia ŭ 1946 hodzie ŭ Chielsinborhu (Šviecyja) i na praciahu ŭsiaho žyćcia zajmaŭsia malavańniem. Pracavaŭ architektaram, nastaŭnikam, ilustrataram. U 1983 hodzie Sven Nurdkvist pieramoh u konkursie vydaviectva «Opal» na lepšuju prailustravanuju knihu.
U knizie «Blinny tort» čytačy ŭpieršyniu paznajomilisia sa starym, jakoha zavuć Petsan i jaho kocikam Findusam, jakija paźniej stali hierojami cełaj sieryi.
Knihi Svena Nurdkvista buduć cikavyja dzieciam i darosłym ad 3 da 99 hadoŭ, jany pierakładzienyja bolš jak na 30 movaŭ śvietu.
Arhanizatar — HA «Sajuz biełaruskich piśmieńnikaŭ», partnior hramadskaja kulturnickaja kampanija «Budźma biełarusami!»
Uvachod volny!