Vieranika Michalova. ***Zdarajecca, što vieryš čałavieku…
Zdarajecca, što vieryš čałavieku,
Dy tak addana, až duša balić.
Hatovy za jaho žyćcio puścić
Pad koły.
Usio addać.
Pabudavać.
I razburyć.
I na siabie pryniać lubyja ździeki.
Byvaje tak, što vieryš čałavieku.
Dy tak staranna, što varjatam ličać.
I, navat, kali jon u bahnu kliča,
Praciahvać
Pobač być.
Lubić.
Dapamahać.
I ŭ śmiarotnuju chvilinu padać leki.
Na žal, tak časta vieryš čałavieku,
Što sam stanovišsia amal jak jon.
I viera hetaja, niby praklon,
Praciahvajecca
Praz žyćcio.
U niebyćcio
Zaciahvaje.
A, moža, ty tam byŭ spradvieku.
śniežań 2015