Pucin zaprasiŭ Łukašenku ŭ Maskvu
14—15 śniežnia Alaksandr Łukašenka pa zaprašeńni rasijskaha prezidenta Uładzimira Pucina naviedaje Rasiju z aficyjnym vizitam.
Fota: Dźmitryj Azaraŭ/Kommiersant'
Jak paviedamlaje pres-słužba Kramla, 15 śniežnia adbuducca rasijska-biełaruskija pieramovy.
Jak paviedamlaje aficyjny sajt Kramla, «15 śniežnia čakajucca pieramovy Uładzimira Pucina i Alaksandra Łukašenki pa šyrokim śpiektry aktualnych pytańniaŭ rasiejska-biełaruskich adnosin i mižnarodnaha paradku dnia».
«Asablivuju ŭvahu miarkujecca nadać dalejšamu pahłybleńniu ekanamičnaj intehracyi na jeŭrazijskaj prastory i mieram pa naroščvańniu handlova-inviestycyjnaha supracoŭnictva ŭ ramkach Sajuznaj dziaržavy», — skazana ŭ paviedamleńni.
Nahadajem, aficyjny vizit Alaksandra Łukašenki ŭ Rasiju płanavaŭsia na 25-26 listapada. U Maskvie 26 listapada pavinna była adbycca sustreča Alaksandra Łukašenki z Uładzimiram Pucinym u vuzkim składzie, zatym — pieramovy ŭ pašyranym farmacie. Pa vynikach sustrečy anansavałasia padpisańnie mižnarodnych dakumientaŭ. Łukašenka taksama płanavaŭ sustrecca z premjer-ministram RF Dźmitryjem Miadźviedzievym, staršynioj Savieta Fiederacyi Fiederalnaha schodu Valancinaj Maćvijenka i staršynioj Dziarždumy Siarhiejem Naryškinym.
Adnak 24 listapada było abvieščana, što vizit pieraniesieny, jak zajaviŭ pres-sakratar rasijskaha prezidenta Dźmitryj Piaskoŭ, «u suviazi z zahružanaściu pracoŭnych hrafikaŭ prezidentaŭ Biełarusi i Rasii».
Łukašenka mieŭ namier pa tradycyi ździejśnić svoj pieršy vizit paśla pieravybrańnia kiraŭnikom dziaržavy ŭ Rasiju, adnak 8 śniežnia adpraviŭsia ź vizitam u Vjetnam, a 10 śniežnia — u Turkmienistan, dzie znachodzicca ŭ ciapierašni čas.