Z 25 śniežnia startuje avijarejs Minsk — Ivana-Frankoŭsk (Bukaviel)?
Na sajcie reserve.bukovel.com źjaviłasia infarmacyja pra pačatak avijarejsaŭ Minsk — Ivana-Frankoŭsk (na kurort Bukaviel).
Samaloty buduć lotać try razy na tydzień: u paniadziełki, sierady, piatnicy.
Vylet ź Ivana-Frankoŭska ŭ 12.00, ź Minska ŭ 15.30.
Košt kvitka ad 2 tys. hryŭniaŭ (1,57 młn biełaruskich rubloŭ).
Na hetym tydni źjaviłasia infarmacyja, što ŭ departamient pa avijacyi Mintransa Biełarusi padała akredytacyju ŭkrainskaja avijakampanija «Dniaproavija». «Pryznačeńni avijacyjnych uładaŭ Ukrainy avijakampanija atrymała na dva napramki: Dnieprapiatroŭsk — Minsk i Ivana-Frankoŭsk — Minsk. Ale ŭ dakumientach pra akredytacyju, jakija my atrymali, havorka idzie tolki pra rejsy z Dnieprapiatroŭska», — paviedamiła tady kansultant departamienta Śviatłana Kalenik.