Bajeviki ID apublikavali videa, na jakim dzieci zabivajuć siryjskich vajennych
Ekstremisckaja hrupoŭka «Isłamskaja dziaržava» apublikavała videa, na jakim šaściora dziaciej zabivajuć pałonnych siryjskich vajskoŭcaŭ.
Rolik pačynajecca z kadraŭ, na jakich dzieci biehajuć pa razvalinach krepaści ŭ pošukach svaich achviar, čyje ruki źviazanyja.
Zatym kožnaje dzicia zabivaje pa adnym zakładniku. Piaciarych zastrelvajuć, a adnamu pierarazajuć horła.
U videazapisy taksama havorycca, što hetyja dzieci — pieramožcy spabornictva, jakoje ŭklučała ŭ siabie relihijnuju adukacyju i fizičnuju padrychtoŭku. Zabojstva siryjcaŭ nazyvałasia ich «uznaharodaj».
Takim čynam džychadzisty sprabujuć prademanstravać, što vychoŭvajuć novaje pakaleńnie, jakoje budzie hatova praciahvać biaźlitasnuju kampaniju suprać tych, kaho lidary ID ličać vorahami.