Danija admoviłasia addać ES prava kantralavać jaje miežy
Jak pakazvajuć vyniki refierendumu ŭ Danii, kala 53% datčanaŭ skazali «nie» praviłam Jeŭrasajuza ŭ śfiery prava i ŭnutranych spraŭ, adkinuŭšy, takim čynam, bolš ciesnaje supracoŭnictva ź ES.
Pravacentryscki ŭrad Danii chacieŭ admovicca ad tak zvanych vyklučeńniaŭ (opt-outs) z ahulnajeŭrapiejskaj palityki — pałažeńniaŭ jeŭrapiejskaha prava, što nie dziejničali na terytoryi Danii, ab jakich kraina damoviłasia pry ŭstupleńni ŭ Jeŭrasajuz.
Dziakujučy hetym važnym vyklučeńniam, zamacavanym u Maastrychckim dahavory 1992 hoda, Danija maje prava vieści ŭłasnuju palityku ŭ halinie biaśpieki i abarony, finansaŭ i jeŭrapiejskaha hramadzianstva.
Na refierendum było vyniesiena pytańnie ab kantroli nad miažoj, jaki nabyŭ asablivuju važnaść paśla niadaŭnich napadaŭ u Paryžy, a taksama na fonie napłyvu ŭ Jeŭropu rekordnaj kolkaści mihrantaŭ.