Sustreča z rasijskim prapahandystam Starykavym u Minsku pačałasia z bojki i skandavańnia «Čamadan, vakzał, Rasija» VIDEA
Nasupierak anonsu, viadučy telekanała ANT Vadzim Hihin nie staŭ vieści sustreču z rasijskim prapahandystam Mikałajem Starykavym.
Nahadajem, što pad ciskam hramadskaści hatel «Biełaruś» i kniharnia «Śvietač» admovilisia pravodzić sustreču sa Starykavym. Jaje pieranieśli ŭ Dom Maskvy — rasijski kulturny centr u Minsku.
Samo spatkańnie pačałosia z bojki. Hrupa junakoŭ pačała skandavać «Čamadan, vakzał, Rasija». Achoŭniki nakinulisia na ich i paśla tuzaniny vyciahnuli z zały.
Niekatoryja hledačy paśla hetaha vyjšli z zały.