«Adkažam terarystam» — Anhieła Mierkiel pra trahiedyju ŭ Paryžy
Kancler Niamieččyny Anhieła Mierkiel źviarnułasia da žycharoŭ Francyi. My publikujem tekst jaje vystupu.
Fota z instahrama bundeskanclerki.
Spadarstva, my pieražyli strašnuju noč, jakuju daŭno nie pieražyvali ŭ Jeŭropie. Ludzi ŭ Paryžy pieražyli kašmar hvałtu, teroru i strachu. Ja chaču źviarnucca da francuzaŭ.
My, vašy niamieckija siabry, spačuvajem vam, my płačam razam z vami. I my budziem zmahacca razam z vami suprać usich tych, chto ździejśniŭ hetu strašnuju reč. Toje, što zdaryłasia — napad na svabodu, i heta tyčycca nie tolki Paryža.
Heta zakranuła nas usich. My atrymali vyklik. Nam treba adkazać na heta ŭsim razam.
U pieršuju čarhu heta pavinny zrabić słužby biaśpieki. Niamiecki ŭrad pracuje z francuzskimi kalehami. My hatovyja va ŭsim dapamahčy vam. My zrobim usio, kab złavić udzielnikaŭ i datyčnych da teraktaŭ. My budziem razam zmahacca z terarystami.
My, jak hramadzianie, pavinny dakładna adkazać na ataki. My pavinny žyć z čałaviečnaściu, ź luboŭju da bližniaha, z radaściu być razam. My vierym u prava kožnaha asobnaha čałavieka šukać svajo asabistaje ščaście, u prava žyć z pavahaj da inšaha, u talerantnaść. My viedajem, što naša svabodnaje žyćcio macniejšaje, čym luby teror.
Davajcie adkažam terarystam. My zrobim heta ŭpeŭniena, uśviedamlajučy našy kaštoŭnaści. I ŭmacavać hetyja kaštoŭnaści va ŭsioj Jeŭropie. Zaraz heta treba zrabić macniej, čym kali-kolviek.