Salist Limp Bizkit vyjšaŭ na scenu z płakatam «Krym = Rasija» FOTA
Salist papularnaj amierykanskaj rok-hrupy Limp Bizkit Fred Derst, jaki niadaŭna zajaviŭ pra svoj namier pierajechać u Krym, padčas kancertu ŭ Varoniežy (Rasija) razharnuŭ na scenie płakat z nadpisam «Krym = Rasija. Welcome», jaki jamu pieradali prychilniki z zały, paviedamlaje kp.ru.
Kancert adbyŭsia 10 listapada ŭ miežach antykryzisnaha tura «Hrošy — adstoj!».
Amierykanski muzyka vystupiŭ u bajcy z nadpisam RUSSIA na hrudziach. Taksama padčas kancertu Derst zaprasiŭ na scenu svaju žonku Ksieniju, jakaja rodam z Kryma.
Fred Derst ažaniŭsia z ukrainkaj Ksienijaj Bierazinoj u 2012 hodzie. Para paznajomiłasia ŭ Łos-Andželesie, kudy dziaŭčyna pryjechała na adpačynak.
Raniej Fred Derst zajaviŭ ab tym, što choča atrymać rasijskaje hramadzianstva i abzavieścisia nieruchomaściu ŭ RF.