Da kanca 2018 hoda płanujecca adkryć prykładna dva dziasiatki restaranaŭ KFC
Da kanca 2018 hoda ŭ Biełarusi płanujecca adkryć jak minimum 15—20 restaranaŭ chutkaha absłuhoŭvańnia KFC. Ab hetym paviedamiła dyrektar pa apieracyjnaj dziejnaści YUM! Brands Russia (uładalnik KFC) Volha Jelisiejeva 12 listapada na ŭračystym adkryćci pieršaha restarana sietki ŭ Biełarusi, jaki raźmiaščajecca ŭ Minsku na vuł. Prytyckaha.
«My chočam na praciahu dvuch-troch hadoŭ mieć tut jak minimum 15—20 restaranaŭ. Patencyjał respubliki my aceńvajem minimum u 35 restaranaŭ. Ja absalutna ŭpeŭnienaja, što Biełaruś stanie lidaram u liku našych restaranaŭ pa kolkaści haściej i jakaści praduktu», — skazała Jelisiejeva.
U 2015—2016 hadach restarany KFC buduć adkryvacca tolki ŭ Minsku. Paśla hetaha sietka pačnie asvojvać rehijony. Apierataram brenda ŭ Biełarusi budzie vystupać kampanija «Bieł Fud Servis».
«U nastupnyja try miesiacy ŭ Minsku buduć adkrytyja try restarany KFC. Najbližejšaje adkryćcio budzie ŭ handlovym centry «Ekspabieł». U rehijonach my płanujem adkryvać pa dva-try restarany ŭ kožnym z abłasnych centraŭ. Dalej pojdziem pa bujnych rajonnych centrach», — paviedamiŭ dyrektar TAA «Bieł Fud Servis» Siarhiej Ducin.
Pavodle jaho słoŭ, u Biełarusi daŭno čakali prychodu KFC. «Brend vielmi papularny siarod tych, chto jaho sprabavaŭ za miažoj. My bačym, što jon aktyŭna nabiraje papularnaść siarod tych, chto ŭžo paśpieŭ pabyvać u našym restaranie», — skazaŭ Ducin.
Źjaŭleńnie ŭ Biełarusi brenda KFC, adznačyŭ jon, śviedčyć, što Biełaruś «padnimajecca na mižnarodnaj biźnies-arenie».
«Toje, što siudy zajšoŭ KFC, my ličym stratehična važnym rašeńniem dla restarannaha rynku Biełarusi ŭ cełym», — adznačyŭ Ducin.
KFC — amierykanskaja sietka kafe hramadskaha charčavańnia, jakaja śpiecyjalizujecca na stravach z kurycy. Pa handlovym abarocie sietka kafe zajmaje druhoje miesca ŭ śviecie, jakaja ŭstupaje tolki kampanii McDonald's. KFC źjaŭlajecca daččynaj kampanijaj karparacyi Yum! Brands, jakaja taksama vałodaje handlovymi sietkami Pizza Hut i Taco Bell.