Makiej: Biełaruś suprać uzmacnieńnia luboj vajennaj aktyŭnaści ŭ rehijonie
Biełaruś suprać uzmacnieńnia luboj vajennaj aktyŭnaści ŭ rehijonie, zajaviŭ ministr zamiežnych spraŭ Biełarusi Uładzimir Makiej žurnalistam paśla sustrečy ź litoŭskim kaleham Linasam Linkiavičusam 12 listapada ŭ Minsku.
«Uzmacnieńnie luboj vajennaj aktyŭnaści pa abodva baki miažy Biełarusi i Jeŭrasajuza budzie, u svaju čarhu, uzmacniać vajenna-palityčnuju napružanuju situacyju, — skazaŭ Makiej. — Heta absalutna nikomu nie patrebna. My nie možam spravicca z tlejučym ukrainskim kanfliktam, a kali jašče padkinuć tudy hałavieški, heta budzie nieracyjanalna».
Makiej taksama dadaŭ, što ź biełaruskaj terytoryi nie moža zychodzić nijakich pahroz miru.