Prezident Mjanmy pavinšavaŭ partyju Aun San Su Čžy ź pieramohaj na vybarach
Prezident Mjanmy Tejn Siejn pavinšavaŭ apazicyjnuju partyju «Nacyjanalnaja liha za demakratyju», jakoj kiruje Aun San Su Čžy, ź pieramohaj na ŭsieahulnych vybarach, što prajšli ŭ niadzielu.
Na svajoj staroncy ŭ «Fejsbuku» jon padkreśliŭ, što prymaje rašeńnie vybarščykaŭ i paabiacaŭ pieradać novaj kirujučaj partyi usie naležačyja paŭnamoctvy.
U intervju Bi-bi-si pradstaŭnik prezidenta paviedamiŭ, što toj pažadaŭ NŁD ažyćciavić usie namiečanyja płany.
Na ŭsieahulnych vybarach u Mjanmie, taksama viadomaj jak Birma, apazicyjnaja partyja «Nacyjanalnaja liha za demakratyju» nabrała amal 90% hałasoŭ vybarščykaŭ.
Lidar NŁD 70-hadovaja Aun San Su Čžy zajaviła, što ŭ jaje partyi budzie dastatkova hałasoŭ, kab sfarmavać pieršy ŭ historyi krainy demakratyčny ŭrad.