Studenty BDU sabrali 2,5 tysiačy podpisaŭ suprać płatnych pierazdač i adnieśli ich rektaru
Kala dźviuch z pałovaj tysiač studentaŭ BDU za tydzień padpisalisia pad pietycyjaj suprać płatnych adpracovak, jakija nieŭzabavie musiać uvieści va ŭniviersitecie.
Siońnia niekalki aktyvistaŭ zanieśli hetuju pietycuju ŭ kancylaryju BDU, dzie jaje zarehistravali i paabiacali pieranakiravać rektaru.
«Heta budzie krok nazad, my ž tolki ŭstupili ŭ Bałonski praces, a tut płatnyja pierazdačy, — abhruntoŭvali svaje dziejańni studenty, — a kali ŭ kahości nieadkładnyja spravy? Nie atrymlivajecca pryjści na praktyčny zaniatak, to što?»
Taksama studenty aścierahajucca «raznaradak», u vypadku jakich niekalki čałaviek tak ci inakš buduć pierazdavać pradmiety za hrošy.
«Było b uvohule cudoŭna, kali b za paśpiachovyja zdačy nam dapłočvali hrošy, — fantaziravaŭ adzin z aŭtaraŭ pietycyi, druhakurśnik Andrej, — heta byŭ by bolšy stymuł dobra vučycca, čym strach stracić hrošy».