Instahram-madel vydaliłasia z sacsietak, jakija zrabili jaje «niaščasnaj» FOTA
Pierad tym jak vydalić profil, Esena O'Nił źmianiła podpisy da zdymkaŭ i raspaviała, jak na samoj spravie jany stvaralisia.
Tut i nižej fota: instahram Eseny O'Nił (vydaleny)
18-hadovaja aŭstralijskaja madel i zorka Instahrama Esena O'Nił vydaliła svaje akaŭnty ŭ sacyjalnych sietkach, pryznaŭšysia, što jany zrabili jaje niaščasnaj, piša birdinflight.com sa spasyłkaj na Time.
«Ja sychodžu ź Instahrama, Youtube i Tumblr. Vydalenyja bolš za dźvie tysiačy zdymkaŭ, jakija nie słužyli nijakaj realnaj mecie, akramia samarekłamy. Bolšuju častku svajho padletkavaha žyćcia ja praviała ŭ pahoni za sacyjalnym statusam i adabreńniem. Sacyjalnyja sietki — heta nie realnaje žyćcio», — zajaviła O'Nił.
Pierad tym jak vydalić svoj profil, dziaŭčyna, jakaja mieła bolš za paŭmiljona padpisčykaŭ, zapisała videazvarot da prychilnikaŭ i adredahavała podpisy da zdymkaŭ ŭ Instahramie, raspavioŭšy, jak na samoj spravie jany stvaralisia.
Ciapier O'Nił zapuściła sajt Let's Be Game Changers, pryśviečany razburalnaj pryrodzie sprobaŭ atrymać adabreńnie ŭ internecie.
«Zrabiła bolš za sotniu zdymkaŭ u adnoj i toj ža pozie, kab vybrać idealny. Amal ničoha nie jeła ŭ toj dzień. Nakryčała na małodšuju siastru, jakaja mianie fatahrafavała».
«Mahutny puš-ap tvoryć cudy ź fihuraj. Mnie ŭsiaho 15, tak što nie viercie svaim vačam».
«Niama nijakaha dzenu ŭ sprobie źniać dzen-fota dla sacsietki».
«Toje, jak ja atrymałasia na hetym fota, było majoj adzinaj radaściu ŭ toj dzień, jaki žach. Čałaviek — heta nie tolki padciahnutaja fihura».
«Na samoj spravie ŭ mianie pad kaśmietykaj aknie».
«Heta byŭ sapraŭdy pryjemny dzień, adpačynak ź siamjoj. Ale pryjšłosia rabić cełuju kuču zdymkaŭ dziela adnaho idealnaha. Chiba heta i jość asałoda ad žyćcia?»
«Sfatahrafavałasia, kab prarekłamavać svajo 16-hadovaje cieła. Heta i byŭ uvieś moj styl. Heta tak abmiežavana i nievierahodna niebiaśpiečna, vy i navat nie ŭjaŭlajecie».
«Nie kuplała heta sukienku. Mnie zapłacili za jaho rekłamu 400 dalaraŭ. Niama ničoha drennaha ŭ prasoŭvańni tavaraŭ, ale ludzi pavinny viedać ab hetym».
«A tut mnie zapłacili za rekłamu srodku dla aŭtazaharu».
«Na hetym fota mnie 16. 16! Ja navat nie vychodziła ŭ hetym stroi z domu, tolki sfatahrafavałasia. Što za moda namahacca vyhladać starejšaj i bolš seksualnaj?»