U Birmie prajšli histaryčnyja parłamienckija vybary
U Birmie adkrylisia vybarčyja ŭčastki dla niadzielnaha hałasavańnia, jakoje ŭžo nazyvajuć histaryčnym, bo jano moža zaviaršyć 53-hadovaje praŭleńnie ŭ krainie vajskoŭcaŭ.
Usieahulnyja vybary pravodziacca ŭpieršyniu paśla pieradačy ŭłady hramadzianskamu ŭradu i pačatku ekanamičnych i palityčnych reformaŭ u 2011 hodzie, pry hetym prezidenckuju pasadu praciahvaje zajmać vajenny lidar hienierał Tan Švie.
Papiarednija vybary ŭ 1990 hodzie prynieśli pieramohu partyi «Nacyjanalnaja liha za demakratyju» na čale z pravaabaroncaj Aun San Su Čžy, adnak hienierały anulavali ich vyniki i ŭstalavali dyktaturu. Paśla Aun San Su Čžy praviała pad chatnim aryštam u ahulnaj składanaści kala 15 hadoŭ i była ŭdastojena Nobieleŭskaj premii miru.
Na hety raz hienierał Tan Švie abiacaŭ pavažać narodnaje volevyjaŭleńnie, choć i skazaŭ, što zanadta chutkija pieramieny mohuć, na jaho dumku, pryvieści da niestabilnaści.
Składanaści miascovaj palityki
Parłamient, jaki treba budzie vybrać prykładna 30 miljonam birmancy, budzie składacca z 664 deputataŭ.
Čverć miescaŭ zahadzia addadziena pryznačencam vajennaha režymu. Za astatnija zmahajucca zvyš šaści tysiač kandydataŭ ad bolš čym 90 partyj, ale asnoŭnych palityčnych siłaŭ dźvie: Nacyjanalnaja liha za demakratyju i Partyja sajuznaj salidarnaści i raźvićcia, stvoranaja hienieralitetam i ŭ ciapierašni čas kirujučaja.
Dla abrańnia prezidenta nieabchodnyja dźvie traciny hałasoŭ deputataŭ. 70-hadovaja Aun San Su Čžy nie moža pretendavać na vyšejšuju pasadu, bo ŭłady ŭnieśli ŭ kanstytucyju punkt, jaki zabaraniaje zajmać jaho asobam, jakija majuć svajakoŭ za miažoj. U Aun San Su Čžy jość dvoje synoŭ ad pamierłaha 18 hadoŭ tamu muža, kanadskaha vučonaha-tybietołaha.
Lider apazicyi zajaviła, što budzie «nad prezidentam», kali jaje partyja zavajuje kanstytucyjnuju bolšaść.
U Birmie adsutničaje abjektyŭnaja sacyjałohija, tak što pradkazać vyniki hałasavańnia nichto nie moža, choć, pavodle acenak ekśpiertaŭ, NŁD maje vysokija šancy na pieramohu.