Na Dzień Voli – śniehapad i lohki maroz
Synoptyki prahnazujuć na pačatak nastupnaha tydnia vielmi składanyja umovy nadvorja na bolšaj častcy krainy.
24 sakavika na bolšaj častcy Biełarusi čakajucca "vielmi składanyja mietearałahičnyja ŭmovy" — praciahły śniehapad i miacielica, uzmacnieńnie vietru da 15—20 m/s. Pra heta paviedamiŭ načalnik słužby hidramietearałahičnych prahnozaŭ Respublikanskaha hidramietearałahičnaha centra Dźmitryj Rabaŭ 20 sakavika na pres-kanfierencyi ŭ Minsku.
Tempieratura pavietra ŭ hety dzień składzie: dniom — ad minus 1°C da plus 4°C, na paŭdniovym uschodzie — da plus 7°C; nočču — ad minus 5°C da plus 2°C.
Paharšeńnie nadvorja, pavodle słoŭ sinoptyka, źviazana z prychodam na terytoryju Biełarusi paŭdniovaha cykłonu. Takija ŭmovy zachavajucca ŭsiu pieršuju pałovu tydnia. Z druhoj pałovy nadvorje krychu palepšycca, ale tempieratura pavietra nočču budzie jašče słaba admoŭnaja — ad minus 5°C da 0°C, dniom — plus 2—8°C.
Jak zaznačyŭ D.Rabaŭ, u vychadnyja dni, 29—30 sakavika, nadvorje taksam budzie vobłačnaje, na bolšaj častcy terytoryi krainy — śnieh i mokry śnieh, miescami tuman i słaby hałalod. Tempieratura pavietra ŭ dzionnyja hadziny — plus 2—8°C, nočču — kala 0°C.
Pavodle prahnozaŭ mietearołahaŭ, takoje niaŭstojlivaje nadvorje zachavajecca i ŭ pieršuju dekadu krasavika, paviedamlaje BiełaPAN.
Zaznačym taksama, što 26 sakavika na mienskim stadyjonie "Dynama" projdzie tavaryskaja hulnia pamiž futbolnymi zbornymi Biełarusi i Turcyi. Pačatak a 20-j.
Pavodle infarmacyi sajtu meteo.by u noč na 27-na naohuł da minus 10.