Jakija depazity ciapier samyja vyhadnyja
Pry zachoŭvańni hrošaj absalutnaja bolšaść biełarusaŭ addaje pieravahu zamiežnaj valucie. Nasielnictva krainy trymaje ŭ bankach depazitaŭ u dalarach/ieŭra/rasijskich rublach na $8,3 miljarda. Rublovych depazitaŭ — usiaho $2,4 miljarda ŭ ekvivalencie.
Dla paraŭnańnia, hod tamu ličby składali $7,7 i $4,2 miljarda adpaviedna, adnak jakinijaki davier da nacyjanalnaj valuty byŭ padarvany čarhovymi devalvacyjami.
Jakimi staŭkami banki ciapier zavablivajuć klijentaŭ?
Prybytkovaść staŭki pa depazitach u biełaruskich rublach faktyčna abmiežavanaja 30% hadavych. Takuju prapanovu majuć niekatoryja pryvatnyja banki: naprykład, «Ideja-Bank», «Alfa-Bank» i inšyja.
Dla dalaraŭ i jeŭra maksimalnaja prybytkovaść dasiahaje 5—5,5% — naprykład, «Skarbonka» ad VTBanka.
Pramiežkavaje rašeńnie — depazit u rasijskich rublach. Mnohija biełaruskija banki nazyvajuć hetuju valutu «abmiežavana kanviertavanaj». Układ u rasijskich rublach možna zrabić pad 14% (prapanova ad «Absalutbanka»).