Siońnia ŭ Minsku projdzie tradycyjnaje šeście na Dziady
U niadzielu, 1 listapada, u Minsku projdzie tradycyjnaje šeście na Dziady ŭ Kurapaty. Zajaŭnikam vystupaje Kansiervatyŭna-chryścijanskaja partyja BNF, jakaja atrymała dazvoł na praviadzieńnie akcyi ad Minharvykankama i Minabłvykankama.
Zbor udzielnikaŭ akcyi budzie prachodzić z 11.00 da 11.30 na placoŭcy pierad budynkam TAA «Minski hadzińnikavy zavod» (stancyja mietro «Park čaluskincaŭ»).
Z 11.30 da 14.30 adbudziecca šeście pa tratuary pa maršrucie: pr. Niezaležnaści — vuł. Kalinoŭskaha — vuł. Siadych — vuł. Karbyšava — vuł. Hamarnika — vuł. Mirašničenki — MKAD.
Z 14.30 da 17.00 na terytoryi ŭročyšča, dzie prachodzili masavyja rasstreły ŭ časy Stalina, zapłanavana praviadzieńnie mitynhu.