Łukašenka patrabuje aryjentavacca na ajčynnuju vytvorčaść vajennaj pradukcyi
Alaksandr Łukašenka patrabuje ad vajennych aryjentavacca na ajčynnuju vytvorčaść vajennaj pradukcyi, madernizacyju i ramont najaŭnych resursaŭ. Takuju zadaču jon pastaviŭ siońnia, vystupajučy na apieratyŭnym zbory kamandnaha składu Uzbrojenych Sił Biełarusi.
«Nie zrazumieła, naprykład, čamu my zakuplajem tyja ž broniekamizelki ŭ Rasii, kali navučylisia ich rabić u siabie?» — adznačyŭ kiraŭnik dziaržavy.
Alaksandr Łukašenka dadaŭ, što jość infarmacyja ab płanavanych pastaŭkach bieśpiłotnikaŭ i bronietechniki. «Ja zadaju prostaje pytańnie: navošta heta treba? U nas što, svajoj nie chapaje? Madernizujuć jaje», — skazaŭ biełaruski lider. «Nielha raskidvacca hrašyma! - padkreśliŭ jon. — Treba pa-haspadarsku da ŭsiaho padychodzić i pa-haspadarsku da ŭsiaho stavicca».
«Mahčyma, jakaść našaha abaronnaha siektara ekanomiki jašče nie daciahvaje da suśvietnych brendaŭ. Ale i košt ledź daražejšy zamiežnaj. Tak treba sumiesnymi namahańniami davieści ajčynnuju pradukcyju da patrebnaj jakaści. U tym liku ŭ chodzie jaje ekspłuatacyi ŭ vojskach. Lubuju vyrablenuju pradukcyju ŭ VPK treba nieadkładna addavać u vojska i tam jaho dobra pratestavać», — miarkuje kiraŭnik dziaržavy.