U Minsku projdzie mižnarodnaja navukovaja kanfierencyja «VKŁ: palityka, ekanomika, kultura»
U Minsku 5—6 listapada projdzie mižnarodnaja navukovaja kanfierencyja «Vialikaje kniastva Litoŭskaje: palityka, ekanomika, kultura», paviedamiŭ žurnalistam 27 kastryčnika dyrektar Instytuta historyi Nacyjanalnaj akademii navuk Biełarusi Viačasłaŭ Daniłovič.
Pavodle jaho słoŭ, udzieł u kanfierencyi ŭžo paćvierdzili 140 daśledčykaŭ, bolš za 40 ź ich — zamiežnyja: litoŭskija, polskija, rasijskija, ukrainskija.
«U miežach pracy forumu my z našymi zamiežnymi kalehami abmiarkujem našy novyja napracoŭki ŭ daśledavańni historyi Vialikaha kniastva Litoŭskaha, vysłuchajem ich, ale i budziem adstojvać svoj punkt hledžańnia na historyju VKŁ, — skazaŭ historyk. — Pa vynikach kanfierencyi ŭ 2016 hodzie budzie vydadzieny vielmi cikavy zbornik navukova-daśledčych rabot, jaki budzie cikavy nie tolki vučonym, ale ŭsim tym, chto cikavicca ajčynnaj historyjaj pieryjadu isnavańnia Vialikaha kniastva Litoŭskaha».
U miežach kanfierencyi buduć pracavać archieałahičnaja vystava artefaktaŭ, knižnaja vystava. Dla stvareńnia atmaśfiery, jakaja adpaviadaje temie kanfierencyi, na forum zaprošanyja muzykanty hurtu «Stary Olsa», kłuby histaryčnaj rekanstrukcyi.
Arhanizatar kanfierencyi — Instytut historyi NAN Biełarusi.