Statkievič ładzić novuju akcyju, hetym razam la budynka KDB
Pa vyzvaleńni z turmy 22 žniŭnia Statkievič zładziŭ u Minsku čatyry akcyi (10 vieraśnia, 23 vieraśnia, 4 kastryčnika i 10 kastryčnika), za tryz ich jon byŭ aštrafavany na vielizarnyja sumy, fota Siarhieja Hudzilina z akcyi 10 kastryčnika
Eks-palitviazień i kandydat u prezidenty Mikoła Statkievič zaklikaŭ hramadskaść pryjści 29 kastryčnika da budynka KDB u Minsku, kab ušanavać pamiać rasstralanych u stalicy stalinistami dziejačaŭ intelihiencyi ŭ 1937 h.
Pra heta jon napisaŭ u svaim fejsbuku.
«29 kastryčnika — čornaja data biełaruskaj historyi. U hety dzień 1937 hoda NKVD rastralała bolej za 100 dziejačoŭ našaj kultury, pieravažna piśmiennikaŭ. Stalinskija katy viedali, što rabili. Mienavita «ludzi słova» stvarajuć duchouny padmurak nacyi, bieź jakoha jana pieratvarajecca u statak. My vinavatyja pierad našymi pakutnikami, bo katy, jakija zniščyli ich i sotni tysiačaŭ inšych biełarusau, dahetul nie asudžanyja i ličacca hierojami. Tamu sučasnyja naščadki kataŭ śmieła iduć ich šlacham. Iznoŭ jany u svaich turmach katujuć patryjetaŭ Biełarusi. Kali hramadstva zabyvajecca pra svaje trahiedyi, jany mohuć pautaracca.
Zaklikaju tych, chto hatovy, pryjsci 29.10 u 18.30 da ścienaŭ budynkaŭ KHB i Ministerstva ŭnutranych spraŭ na praśpiekcie Skaryny, kab sa śviečkami ŭ rukach stvaryć łancuh pamiaci achviaraŭ stalinizmu i nahadać naščadkam ich kataŭ pra adkaznaść za złačynstvy».