ES i Turcyja damovilisia, jak razam abmiežavać prytok mihrantaŭ
Lidary Jeŭrasajuza i Turcyi na samicie ŭ Bruseli ŭzhadnili papiaredni płan dziejańniaŭ, zaklikanych abmiežavać prytok mihrantaŭ u Jeŭropu. Prezident Jeŭrapiejskaj rady Donald Tusk skazaŭ na pres-kanfierencyi, što adčuvaje «aściarožny aptymizm» z nahody dasiahnutych damoŭlenaściej.
Junkier i Tusk nie chavajuć radaści, AP
U hetym hodzie ŭžo kala 600 tysiač mihrantaŭ dasiahnuli ES marskim šlacham. Bolšaść ź ich, zhodna ź Mižnarodnaj arhanizacyi pa mihracyi (IOM), dabirajucca da Jeŭropy praz Turcyju.
Ličycca, što ŭ samoj Turcyi ciapier znachodziacca kala 2 miljonaŭ mihrantaŭ, u asnoŭnym z abchoplenaj vajnoj Siryi.
Raniej Turcyja źviarnułasia da ES pa dapamohu ŭ pamiery 3 młrd jeŭra - u pieršuju čarhu dla ŭładkavańnia centraŭ pa pryjomie biežancaŭ, a taksama paprasiła palehčyć vizavy režym dla tureckich hramadzian, jakija žadajuć naviedać krainy Šenhienskaj zony.
Jak paviedamiŭ kiraŭnik Jeŭrapiejskaj kamisii Žan-Kłod Junkier, pamier dapamohi Ankary budzie abmiarkoŭvacca z uładami krainy ŭ bližejšyja dni, a praces palahčeńnia vizavaha režymu budzie paskorany.