Labiedźka budzie nazirać na «samym brutalnym» učastku
Lider Partyi AHP Anatol Labiedźka hałasavać nia pojdzie, ale zarehistravaŭsia naziralnikam na vybarčym učastku. Mienavita na hetym učastku naziralnik ad AHP, były milicyjant Mikoła Kazłoŭ, zafiksavaŭ hałasavańnie «karusielščykaŭ»:
«Ja pajdu na samy haračy, brutalny i miarzotny ŭčastak Biełarusi — numar 24, na vulicy Maksima Bahdanoviča, dzie dniami vydalili naziralnika, siabra AHP Mikołu Kazłova, jaki praduchiliŭ hałasavańnie hetak zvanych «karusielščykaŭ» — asobaŭ, jakija hałasujuć pa niekalki razoŭ na roznych učastkach. Učora na hetym učastku navat byŭ učynieny fizyčny napad na Mikołu Kazłova. Ja budu tam znachodzicca ŭ jakaści naziralnika i fiksavać parušeńni, jakija ŭličać u ahulnaj spravazdačy pa nazirańni za vybarami».