Biełaruskaja bajavaja avijacyja praviała vučebnyja bambavańni i šturmoŭki naziemnych abjektaŭ
U kancy vieraśnia avijacyja Vajenna-pavietranych vojsk i vojskaŭ supraćpavietranaj abarony praviała vučeńni, padčas jakich było adpracavana bajavoje prymianieńnie samalotaŭ i viertalotaŭ, paviedamlaje ŭ apošnim vypusku vsr.mil.by.
Biełaruski Mi-24 padčas vučeńniaŭ
U vučeńni na avijapalihonie Ružany ŭdzielničali 4 źniščalniki MiH-29, para šturmavikoŭ Su-25 i vučebna-bajavych samalotaŭ Jak-130, a taksama viertaloty Mi-24.
Rakietny ŭdar Mi-24
Mi-24 adšukali naziemnyja celi, a potym atakavali ich niekiravanymi rakietami S-8 i puškami HŠ-2-30.
Su-25 paśla hrupavoha ŭdaru
Potym Su-25, vykarystoŭvajučy dadzienyja raźviedki, nanieśli avijaŭdar askiepkava-fuhasnymi bombami OFAB-250ŠŁ ź minimalnaj vyšyni 200m. Padčas druhoha i treciaha zachodaŭ vykarystoŭvalisia rakiety S-8 i puški.
MiH-29 atakavali aeradrom umoŭnaha praciŭnika na vyšyni 300 m i źniščyli «samaloty», jakija na im stajali.
Avijapalihon Ružany ź mišeniami
Potym na palihonie źjavilisia Jak-130, jakija vykarystoŭvajučy bolš sučasnyja prycelnyja kompleksy, naviali na novyja celi šturmaviki Su-25. Dziakujučy Jak-130, Su-25 mahli atakavać celi pa kaardynatach, bieź vizualnaha kantaktu.