Lockheed Martin pačaŭ vytvorčaść bajavych łazieraŭ dla vojska ZŠA
Karparacyja Lockheed Martin pačała vytvorčaść bajavych łazieraŭ dla vojska ZŠA, paviedamlaje pres-słužba kampanii.
lockheedmartin.com
Sistemy, što pastaŭlajucca ŭ vojski, buduć modulnaha typu — ich mahutnaść možna budzie naroščvać, dadajučy novyja vypramieńvalniki. Siła łaziernaha pramiania moža źmianiacca ŭ dyjapazonie ad 60 kVt da 120 kVt, u zaležnaści ad typu celi, u jakuju nieabchodna budzie trapić.
Miarkujučy pa ŭsim, havorka idzie pra bajavy optavałaknovy łazier, jaki vykarystoŭvaje technałohiju «śpiektralnaha promnia». Ź jaje dapamohaj vialikaja kolkaść łaziernych pramianioŭ z aptyčnych vałoknaŭ fakusujucca linzaj ŭ adzin mahutny pramień.
Kožny modul źjaŭlajecca unifikavanym. Dziakujučy hetamu ŭ karotkija terminy možna budzie razharnuć maštabny vypusk, zrabiŭšy technałohiju adnosna niedarahoj. Pradstaŭniki kampanii śćviardžajuć, što takaja technałohija dazvalaje ŭ siarednim na 50% skaracić raschod enierhii ŭ paraŭnańni ź ćviordacielnymi łazierami.