U lipieni ŭ Iviancy adbudziecca I sustreča katalickaj moładzi Biełarusi

Prahrama sustrečy ŭ Iviancy ŭklučaje pałomnictva, malitvy, telemost ź Sidnejem i vyvučeńnie Katechizisa.

Z 18 pa 20 lipienia ŭ haradskim pasiołku Ivianiec Vałožynskaha rajona Minskaj vobłaści adbudziecca I sustreča katalickaj moładzi z udziełam kala čatyroch tysiač junakoŭ i dziaŭčat z usich dyjacezij krainy. Ab hetym 13 sakavika na pres‑kanfierencyi ŭ Minsku paviedamiŭ arcybiskup mitrapalit Minska‑Mahiloŭski Tadevuš Kandrusievič.

Pavodle jaho słoŭ, sustreča moładzi ŭ Iviancy, dzie na praciahu mnohich hadoŭ dziejničaje letniaja škoła relihijnaha piesnapieńnia, maje duchoŭnaje značeńnie i prymierkavana da XXI Suśvietnaha dnia moładzi, jaki budzie adznačacca ŭ Sidnei (Aŭstralija). «Na takich śviatach, vielmi papularnych siarod junakoŭ i dziaŭčat, jany pieražyvajuć pačućcio duchoŭnaha adzinstva», — zaznačyŭ arcybiskup.

Pavodle jaho słoŭ, prahrama sustrečy ŭ Iviancy ŭklučaje pałomnictva, malitvy, telemost ź Sidnejem i vyvučeńnie Katechizisa. «Na sustrečy zapłanavany roznyja kulturnyja mierapryjemstvy, u tym liku kancerty relihijnaj i biełaruskaj muzyki z udziełam junakoŭ i dziaŭčat u nacyjanalnych uborach, a taksama śviatočnaja niadzielnaja imša», — skazaŭ mitrapalit.

Aprača taho, zaznačyŭ T.Kandrusievič, u prahramu sustrečy ŭklučana tema paklikańnia da śviaščenstva i manaskaha žyćcia.

BiełaPAN

Kamientary da artykuła