Pucin: Da kanca vajny na Danbasie pakul daloka
Prezident RF Uładzimir Pucin zajaviŭ, što da vyrašeńnia kryzisu va Ukrainie pakul daloka.
Pra heta jon skazaŭ na pasiadžeńni Savieta pa raźvićci hramadzianskaj supolnaści i pravach čałavieka.
«Da vyrašeńnia pakul daloka, ale jość rečy, jakija dajuć upeŭnienaść u tym, što kryzis moža być pieraadoleny, i samaje hałoŭnaje, što stralaniny niama siońnia. Budziem raźličvać, što dyjałoh pamiž hetymi niepryznanymi respublikami i kijeŭskimi ŭładami ŭsio-taki budzie pazityŭnym. I budzie vykonvacca hałoŭnaja ŭmova dla dasiahnieńnia luboha kampramisu — pramy dyjałoh», — skazaŭ Pucin.
Jon adznačyŭ, što kali abstreły całkam spyniacca, tady možna budzie zajmacca raźminiravańniem terytoryi.
«Raźminiravać treba, viadoma, ale heta takaja praca, jakuju my pavinny budziem uzhadnić z adpaviednymi strukturami — pieršaje. Druhoje, heta možna budzie zrabić paśla spynieńnia abstrełaŭ. Tam nielha raźminiravać, pakolki tam snarady padajuć», — skazaŭ prezident RF.
Jon vykazaŭ nadzieju, što ŭsie bajavyja sutyknieńni na Danbasie kančatkova spyniacca paśla advodu ŭzbrajeńniaŭ kalibram mienš za 100 milimietraŭ.
«Nu i, viadoma, raźličvaju na toje, što minskija pahadnieńni buduć vykonvacca. Zaŭtra my z kalehami pahavorym pra heta ŭ Paryžy», — skazaŭ Pucin.