Alaksandar Kulinkovič: Ja nie škaduju pra vizyt da Pralaskoŭskaha
I Ihar Varaškievič kaža, što biełaruskija rok‑muzyki praz čatyry miesiacy paśla ich vizytu ŭ Administracyju prezydenta ŭsio jašče «adčuvajuć nastupstvy zabyćcia», a nia niejkija stanoŭčyja zruchi.
Pra heta BiełaPAN zajaviŭ lider hurtu «Krama» Ihar Varaškievič, kamientujučy 11 sakavika vyniki sustrečy muzykantaŭ 21 listapada 2007 hoda z byłym kiraŭnikom hałoŭnaha ideałahičnaha ŭpraŭleńnia Administracyi prezidenta Biełarusi Aleham Pralaskoŭskim.
I.Varaškievič zaznačyŭ, što pakul ciažka mierkavać, źniata niehałosnaja zabarona na tvorčaść biełaruskich rok‑muzykantaŭ ci nie.
Nahadajem, u sustrečy ŭdzielničali lidery rok‑hurtoŭ «Niejra Dziubiel», «Krama», «N.R.M.» i «Pałac». A.Pralaskoŭski paabiacaŭ padtrymku biełaruskim muzykantam, zajaviŭšy, što ŭ ich bolš nie budzie prablem z prasoŭvańniem tvorčaści. Ciažkaści z arhanizacyjaj vystupaŭ i ratacyjaj na ajčynnych radyjostancyjach u biełaruskich hurtoŭ źjavilisia paśla ŭdziełu ŭ akcyjach apazicyi.
Pavodle słoŭ I.Varaškieviča, na 23 sakavika ŭ staličnym kłubie «Hudvin» płanujecca vialiki solny kancert «Kramy».
«Adnak u bujnyja zały my pakul nie sprabavali trapić», — zaznačyŭ jon.
Lider hurtu «Niejra Dziubiel» Alaksandr Kulinkovič pryznaŭsia, što ŭ tvorčaści kalektyvu ničoha nie źmianiłasia: muzykanty «jak ihrali, tak i hrajuć». Razam z tym jon zaznačyŭ, što 17 lutaha hurtu ŭdałosia pravieści vialiki kancert u kłubie «Hudvin». Na cyrymonii «Rok‑karanacyja — 2007», nahadajem, hurt «Niejra Dziubiel» pryznany pieramožcaj.
«Ja nie škaduju ab vizicie ŭ Administracyju prezidenta. Jašče raz paŭtaru: nas nichto ni ab čym nie prasiŭ», — skazaŭ muzykant.
Lider hurtu «N.R.M.» Lavon Volski taksama ličyć, što paśla naviedvańnia Administracyi prezidenta biełaruskim rok‑hurtam nie pieraškadžajuć u arhanizacyi kancertaŭ.
«Spynilisia telefanavańni administracyi kłubaŭ z patrabavańniami admianić kancert, — zaznačyŭ jon. — Datyčna hetaha situacyja źmianiłasia ŭ lepšy bok. Zastajecca pytańnie, ci nadoŭha?»
U toj ža čas, pavodle jaho słoŭ, na bolšaści radyjostancyj tvorčaść biełaruskamoŭnych kamand pa‑raniejšamu źjaŭlajecca «niefarmatam».
«Ale heta ich sprava, sprava ŭnutranaj cenzury radyjostancyi», — skazaŭ jon.