U Breście kiroŭca aŭto źbiŭ na pierachodzie 6-hadovaha chłopčyka, jaki išoŭ z mamaj
DTZ adbyłosia dniom 31 žniŭnia na vulicy Maskoŭskaj nasuprać doma № 301.
«59-hadovy kiroŭca «Opiel Astra» ździejśniŭ najezd na chłopčyka, jaki razam z mamaj pierasiakaŭ prajeznuju častku darohi pa rehulavanym piešachodnym pierachodzie na dazvalalny sihnał śviatłafora sprava naleva pa chodzie ruchu aŭtamabila», - raspaviali ŭ DAI Bresta.
6-hadovy chłopčyk atrymaŭ udary i pierałomy i byŭ špitalizavany ŭ chirurhičnaje adździaleńnie.