Łukašenka 1 vieraśnia lacić u Kitaj
Alaksandr Łukašenka 1—3 vieraśnia ažyćciavić rabočy vizit u Kitajskuju Narodnuju Respubliku dla ŭdziełu va ŭračystych mierapryjemstvach, prymierkavanych da 70-hodździa pieramohi ŭ antyjaponskaj vajnie i zakančeńnia Druhoj suśvietnaj vajny.
Pra heta paviedamlaje pres-słužba prezidenta Biełarusi.
U chodzie vizitu taksama zapłanavany šerah dvuchbakovych sustreč Alaksandra Łukašenki z kiraŭnictvam KNR.
Nahadajem, u vajskovym paradzie, prymierkavanym da 70-hodździa zakančeńnia Druhoj suśvietnaj vajny voźmuć udzieł i biełaruskija vajskoŭcy. 3 vieraśnia pa hałoŭnaj płoščy kitajskaj stalicy — Ciańańmeń — usiaho projduć 12 tysiač sałdat i aficeraŭ. U składzie karobak zamiežnych vajskoŭcaŭ buduć udzielničać padraździaleńni z Rasii, Kazachstana, Biełarusi, Manholii, Kuby i inšych dziaržaŭ. U paradzie taksama buduć zadziejničany bolš za 200 adzinak naziemnaj techniki i jašče stolki ž samalotaŭ.