Minčuk upryhožyŭ svaju mašynu vielizarnaj «Pahoniaj» FOTY
Illa Procharaŭ — brend-menedžar mižnarodnaha chołdynhu «Atłant-M» i razam z tym biełaruski błohier. Učora na jahonaj internet-staroncy źjaviŭsia dopis, u jakim Illa pakazaŭ padpisantam svaju mašynu ź vializarnaj patryjatyčnaj nalepkaj na dachu — «Pahoniaj» na fonie nacyjanalnaha bieła-čyrvona-biełaha ściaha.
«Ja vielmi lublu naš biełaruski hierb «Pahonia» i vielmi lublu bieł-čyrvona-bieły ściah. Dahetul u mianie jość niekalki dakumientaŭ z «Pahoniaj»: atestat ab zakančeńni siaredniaj škoły i pracoŭnaja knižka. Na majoj pieršym pašparcie niezaležnaj Respubliki Biełaruś hanarova krasavaŭsia mienavita vieršnik. I heta było hetak pryhoža!», — patłumačyŭ Illa matyvy ŭčynku.
Taksama błohier uzhadaŭ vyniki «refierendumu» 1995 hodu.
«Tady ja nie byŭ u hetych haniebnych 75%, nie chaču być i ciapier. Ja lublu svoj hierb i vieru, što nieŭzabavie jon vierniecca na svajo zakonnaje miesca. A pakul ja budu pad jaho abaronaj. Sustrakajcie na vulicach horada!» — napisaŭ błohier i zaklikaŭ salidarnych prasihnalić jamu ŭ jakaści vitańnia pry sustrečy.