U Salihorsku dva padletki źbili žančynu, a jaje spadarožnika zabili
Dva niepaŭnaletnija z Salihorska, padazravanyja ŭ zabojstvie i złosnym chulihanstvie, uziatyja pad vartu. Pra heta paviedamlaje pres-słužba Hienieralnaj prakuratury.
Pjanyja 15-hadovy i 17-hadovy padletki ŭ pačatku žniŭnia prystali da nieznajomaj im 35-hadovaj miascovaj žycharcy, a zatym źbili jaje. Za žančynu pasprabavaŭ zastupicca jaje 58-hadovy spadarožnik. Niepaŭnaletnija źbili mužčynu, ad traŭmaŭ jon pamior na miescy zdareńnia.
Praz try dni paśla hetaha, uviečary, adzin z padazravanych — 15-hadovy chłopiec, znoŭ ža ŭ stanie ałkaholnaha apjanieńnia, kala budynka Salihorskaha RAUS zaskočyŭ na milicejskuju mašynu i nahami raźbiŭ sihnalnyja majački na dachu aŭtamabila.
Prakuraturaj Minskaj vobłaści ŭ dačynieńni da hetych niepaŭnaletnich, jakija padazrajucca ŭ ździajśnieńni zabojstva i złosnaha chulihanstva, sankcyjanavanaja miera strymańnia ŭ vyhladzie zaklučeńnia pad vartu. Papiaredniaje śledstva pa kryminalnaj spravie viadziecca śledčym upraŭleńniem USK pa Minskaj vobłaści.