U Hidramiecie raspaviali, kali ŭ Minsku źniknie pach dymu
Pavolny rost zapylenaści pavietra nazirajecca, ale narmatyŭ jakaści nie pieravyšany. Pra heta paviedamiła načalnik infarmacyjna-analityčnaha adździeła manitorynhu atmaśfiernaha pavietra Hidramieta Minpryrody Bahdana Kaziaruk.
BiełTA
«Pavolny rost zapylenaści pavietra nazirajecca, ale narmatyŭ jakaści nie pieravyšany. Hałoŭnaj pryčynaj hetaha źjaŭlajecca doŭhaja adsutnaść apadkaŭ, prablemu vyrašyć pieršaja dobraja zaleva», - padkreśliła jana.
Siońnia ŭ mnohich rajonach Minska žychary adčuvali pach haru, pa słovach Bahdany Kaziaruk, heta prykmieta zapylenaści pavietra.
«Ciapier skłalisia niespryjalnyja ŭmovy, słaby viecier. Tamu navat kancentracyja ŭ 0,8 HDK adčuvajecca nasielnictvam. My ŭžo nakiravali papiaredžańni ab niespryjalnych mietearałahičnych umovach va ŭsie bujnyja pramysłovyja i aŭtatranspartnyja pradpryjemstvy horada», — adznačyła jana.