Kalakin sabraŭ 64 tysiač podpisaŭ
Inicyjatyŭnaja hrupa pretendenta na pasadu prezidenta Siarhieja Kalakina nie zmahła sabrać 100 tysiač podpisaŭ, paviedamlaje BiełaPAN.
Jak paviedamiŭ kiraŭnik inicyjatyŭnaj hrupy Valeryj Uchnaloŭ 21 žniŭnia na pres-kanfierencyi ŭ Minsku, z prykładna paŭtary tysiačy členaŭ inicyjatyŭnaj hrupy realna podpisy źbirali pryblizna 1.200 čałaviek. Praź pikiety i abchod kvater jany dali mahčymaść pastavić svaje podpisy amal 1,5 młn. vybarščykaŭ.
U vyniku inicyjatyŭnaj hrupie ŭdałosia sabrać 64 tysiačy 247 podpisaŭ. Pakolki hetaha niedastatkova dla rehistracyi kandydatam u prezidenty, inicyjatyŭnaja hrupa Kalakina vyrašyła nie zdavać podpisy ŭ terytaryjalnyja kamisii.
Siońnia — apošni dzień zboru podpisaŭ.
Pra toje, što sabranyja 100 tys. zajavili inicyjatyŭnyja hrupy Łukašenki, Hajdukieviča, Ciareščanki, Karatkievič i Ułachoviča.