Žan-Mary Le Piena vyklučyli z «Nacyjanalnaha frontu»
Zasnavalnik francuzskaha ultrapravaha «Nacyjanalnaha frontu» Žan-Mary Le Pien vyklučany z partyi. Takoje rašeńnie pryniało siońnia vykanaŭčaje biuro partyi.
Sam Le Pien zajaviŭ, što jaho vyklučeńnie z partyi budzie aznačać krach Nacyjanalnaha frontu i niepaźbiežnuju parazu partyi na prezidenckich vybarach u 2017 hodzie.
Ciapierašni lidar partyi Maryn Le Pien, dačka palityka, nie prysutničała na pasiadžeńni vykanaŭčaha biuro.
U mai siabroŭstva Le Piena ŭ partyi było prypyniena paśla taho, jak jon paŭtaryŭ nieadnarazovaje svajo mierkavańnie, što Chałakost byŭ niaznačnaj «histaryčnaj detallu». Vykazvańnie Le Piena spravakavała skandał ŭnutry partyi.
Tady Maryn Le Pien nazvała vykazvańni baćki palityčnym samahubstvam. Na fonie kanfliktu z dačkoj 86-hadovy Le Pien zajaviŭ, što jamu soramna za dačku, i jon spadziajecca na jaje bolš chutkaje zamužža, kab jana źmianiła proźvišča.