Rasijski sud asudziŭ «estonskaha špijona Kochviera» da 15 hadoŭ
Na fota, zroblenym u 2010 h. Estan Kochvier (sprava) atrymlivaje ŭznaharodu ad prezidenta Ilviesa.
Pskoŭski sud asudziŭ supracoŭnika estonskaj palicyi Estona Kochviera da 15 hadoŭ za špijanaž. Kochvier abvinavačvajecca ŭ špijanažy, kantrabandzie, niezakonnym zachoŭvańni zbroi, a taksama ŭ dzieviaci epizodach niezakonnaha pierasiačeńnia dziaržmiažy.
Prakuror patrabavaŭ 16 hadoŭ pakarańnia i 200 tys rasijskich rubloŭ štrafu za niezakonny pierachod miažy. Advakaty nastojvali pryznačyć Kochvieru pakarańnie na termin mienš za 10 hadoŭ.
Sud pryznačyŭ štraf u pamiery 100 tysiač rasijskich rubloŭ.
Supracoŭnik departamienta palicyi biaśpieki MUS Estonii Eston Kochvier byŭ zatrymany 5 vieraśnia ŭ Pskoŭskaj vobłaści pry praviadzieńni ahienturnaj apieracyi.
Raniej aryšt Kochvieru praciahnuli da 7 vieraśnia. Na dumku rasijskaha boku, Kochvier vykonvaŭ raźviedvalnaje zadańnie.
Kochvier u sudzie.