Stała viadoma, kali pačniecca navučalny hod, kali buduć kanikuły i kali ŭsio skončycca
Navučalnyja zaniatki ŭ Biełarusi ŭ 2015/2016 navučalnym hodzie dla ŭsich ustanoŭ, jakija realizujuć adukacyjnyja prahramy ahulnaj siaredniaj adukacyi, pačnucca 1 vieraśnia i projduć pa 31 maja, paviedamili ŭ pres-centry Ministerstva adukacyi.
Arhanizacyja adukacyjnaha pracesu ažyćciaŭlajecca pa čverciach u nastupnyja terminy:
pieršaja čverć — z 1 vieraśnia pa 24 kastryčnika 2015 h; druhaja — z 2 listapada pa 26 śniežnia 2015; treciaja — z 11 studzienia pa 19 sakavika 2016 h; čaćviortaja — z 28 sakavika pa 31 maja 2016 hoda.
Na praciahu navučalnaha hoda ŭstanaŭlivajucca kanikuły:
vosieńskija — z 25 kastryčnika pa 1 listapada ŭklučna (8 dzion); zimovyja — z 27 śniežnia pa 10 studzienia (15 dzion); viasnovyja — z 20 sakavika pa 27 sakavika (8 dzion); letnija — z 1 červienia pa 31 žniŭnia (92 dni), a dla navučencaŭ, jakija zaviaršyli 9-y kłas, - z 13 červienia pa 31 žniŭnia ŭklučna (80 dzion).
Dla navučencaŭ 1-2-ch kłasaŭ (i 3-ch kłasaŭ — dla navučencaŭ z APFR ź piacihadovym terminam navučańnia na I stupieni ahulnaj siaredniaj adukacyi) u treciaj čverci pravodziacca dadatkovyja zimovyja vakacyi z 15 pa 21 lutaha praciahłaściu 7 dzion.