Mitrapalit Pavieł aśviaciŭ kryž dla budynka pravasłaŭnaj carkvy ŭ «domie BNR» u Minsku FOTY
Biełaruskaja pravasłaŭnaja carkva 14 žniŭnia praviała aśviačeńnie i ŭstanoŭku kryža na kupał Jubilejnaha doma — histaryčnaha budynka na praśpiekcie Niezaležnaści kala Kastryčnickaj płoščy. Va ŭračystaściach prymaŭ udzieł Mitrapalit Pavieł. Paśla aśviačeńnia i malebnu, kryž byŭ ustalavany na kupał Jubilejnaha domu.
Jubilejny dom — pomnik architektury pačatku XX st. pabudavany na achviaravańni viernikaŭ na terytoryi Archirejskaha padvorka ŭ 1913 hodzie, da 300-hodździa doma Ramanavych. Da revalucyi ŭ im raźmiaščaŭsia carkoŭna-archieałahičny muziej i pravodzilisia schody duchavienstva Minska.
U lipieni—žniŭni 1918 tut raźmiaščałasia Rada BNR.