Pjany ŭkrainiec u Homieli ŭciakaŭ ad DAI na kradzienym mikraaŭtobusie
11 žniŭnia a 2-j hadzinie nočy na vulicy Jafremava ŭ Homieli inśpiektary DAI pasprabavali spynić mikraaŭtobus «Ford-Tranzit». Adnak kiroŭca kinuŭsia ŭciakać ŭ bok Doŭska pa aŭtadarozie M8 Homiel — Viciebsk.
Jak paviedamlaje BiełaPAN, daišniki pačali pieraśled mikraaŭtobusa i z dapamohaj hukavoj i śvietłavoj sihnalizacyi zahadali jamu spynicca. Adnak kiroŭca praciahvaŭ tolki pavialičvać chutkaść i vilaŭ pa ŭsioj šyryni darohi, vyjazdžajučy navat na pałasu sustrečnaha ruchu, kab jaho nie zmahli abahnać.
U vioscy Haradok Karmianskaha rajona kiroŭca źjechaŭ u kiuviet. Vyskačyŭšy ź mikraaŭtobusa, jon pasprabavaŭ źbiehčy ź miesca zdareńnia, ale jaho dahnali supracoŭniki DAI.
Vyjaviłasia, što za rulom byŭ 24-hadovy niepracujučy pjany hramadzianin Ukrainy. Sam mikraaŭtobus apynuŭsia kradzienym.
Na kiroŭcu skłali vosiem administratyŭnych pratakołaŭ i pačali kryminalnuju spravu. Jaho ŭziali pad vartu.