U Branskaj vobłaści zaraŭnavali ŭ ziamlu 200 ton zaviezienaj praź Biełaruś sadaviny FOTA
Raśsielhasnahlad zrabiŭ spravazdaču pra toje, što ŭ Navazybkaŭskim rajonie Branskaj vobłaści 7 žniŭnia ŭtylizavana najbujniejšaja partyja raślinnaj pradukcyi. Abjom źniščanaj sadaviny skłaŭ kala 200 ton.
Piersiki, niektaryny, vinahrad i čarešni, jak miarkujecca, byli pachodžańniem z paŭdniovych dziaržaŭ — členaŭ Jeŭrapiejskaha sajuza.
Pavodle infarmacyi Raśsielhasnahladu, sadavinu sprabavali pravieźci ŭ RF ź Biełarusi na padstavie reekspartnych fitasanitarnych siertyfikataŭ Małdovy i fitasanitarnaha siertyfikatu Turcyi.
Ułady Turcyi nie paćvierdzili fitasanitarnyja siertyfikaty, jakija supravadžali pradukcyju — i buldoziery zaraŭnavali ŭ ziamlu 200 ton sadaviny.
Adbyłosia heta na zvałcy za vioskaj Zamišava pad Navazybkavam.
Žychary vioski raskazvajuć, što na palihonie ŭ dzień źniščeńnia piersikaŭ było šmatludna. Sadavinu adtul vyvozili karobkami.
Na punkcie propusku «Čyrvony kamień» byli zaŭvažany try poŭnyja fury. U kožnaj — pa 20 ton čarešań. Pobač pakutujuć ad 35-hradusnaj haračyni vadzicieli. Jany stajać tut užo čaćviorty-piaty dzień.
Sankcyjnyja piersiki i čarešni dalnabojščyki paraili, kali ich pačujuć, addać u dziciačyja damy abo damy sastarełych, abo sałdatam.