Nad Vilniaj siońnia prakaciłasia navalnica, ale da Minska ŭ niadzielu nie dajšła FOTAFAKT
U niadzielu dniom, paśla apoŭdnia, na Vilniu abrynułasia navalničnaja bura. Nieba razryvali małanki, hrukacieŭ hrom, narešcie, pajšoŭ mocny doždž, jaki abmyŭ vulicy i drevy, prahnyja da vady, paviedamlaje Delfi.
Navalnica ruchałasia ŭ paŭnočna-ŭschodnim kirunku i začapiła zachad Viciebskaj vobłaści, a taksama častku Hrodzienščyny (Astraviecki rajon) i Miadzielski rajon Minskaj vobłaści. Ale da zmučanaha śpiokaj Minska nie dajšła.
Litoŭski radar pakazvaje, što z boku Polščy i Litvy ŭ kirunku paŭnočna-zachodniaj Biełarusi ruchajecca jašče adna chmara.