Rumynija abvinavaciła «dačku» «Łukojła» ŭ admyvańni hrošaj
Prakuratura Rumynii pradjaviła daččynaj kampanii rasijskaha «Łukojła» abvinavačvańni ŭ admyvańni hrošaj. Škoda aceńvajecca ŭ pryblizna dva miljardy dalaraŭ.
Jak paviedamlaje Rejter, abvinavačvańni taksama pradjaŭlenyja hienieralnamu dyrektaru naftapierapracoŭčaha zavoda Petrotel Lukoil, hramadzianinu Rasii.
«Prakurory z apielacyjnaha suda Płaješci zaviaršyli papiaredniaje rasśledavańnie i pradjavili abvinavačvańni Andreju Jurjeviču Bahdanavu, hramadzianinu Rasii […] u admyvańni hrošaj i niadobrasumlennym vykarystańni kapitału kampanii», — cytuje Rejter zajavu prakuratury.
U lipieni rumynskija ŚMI paviedamili, što aktyvy rasijskaj kampanii ahulnym koštam 2 młrd jeŭra (2,21 młrd dalaraŭ) byli aryštavanyja, a praca NPZ Petrotel Lukoil ŭ horadzie Płaješci była spynienaja na niekalki dzion.
Tady paviedamlałasia, što pad padazreńniem znachodzicca kiraŭnik Petrotel Lukoil, a taksama niekalki supracoŭnikaŭ, u tym liku dvoje hramadzian Rasii. «Łukojł» adchiliŭ abvinavačvańni rumynskaj prakuratury.
U siaredzinie lipienia stała viadoma, što «Łukojł» atrymaŭ prapanovu ab prodažy naftapierapracoŭčaha zavoda Petrotel ŭ Rumynii, adnak nie źbirajecca jaho pradavać.